الى دولة رئيس وزراء العراق المحترم


فضيحة كبرى ويجب أن تقيل فورا كل مسؤولي الخطوط الجوية العراقية والطيران المدني وعلى رأسهم وزير النقل ناصر البندر الذي ماشفنا منه غير الفضايح لحد الآن
حيث تم اكتشاف 8 مسافرين صاعدين على رحلة العراقية 123 الى دبي يوم 6 آب وصلوا دبي بدون فحص كورونا وهذا شرط صعود الطائرة فشلون صعدوا؟؟ يعني صاعدين كلك معناها
وراها اكتشاف حالة إصابة إيجابية على رحلة يوم 9 آب والمصيبة عنده فحص يقرا إيجابي صادر يوم 8 من المختبر الاستشاري ومصعديه يعني شخص مصاب يفتر بالمطار ويصعد طيارة و يطير بالطيارة ويه الطاقم و المسافرين المساكين وهو مصاب وتقرير بيده يقرأ إيجابي من المختبر الاستشاري معقولة؟؟
المهم مدير سلطة المطارات الإماراتية رزلت سلطة الطيران والخطوط العراقية وكلمن له علاقة على طيحان حظهم وتقول مانعرف الان شنو مصير المسافرين والطاقم اللي اجوي على الرحلة مع الحالة المصابة واكيد حجرت كل المسافرين على رحلة يوم 9 لأن اعتبرتهم ملامسين وشلون راح تثق بالأجراءات العراقية وتحذر الخطوط الجوية العراقية تحذير نهائي انها راح توقف كل رحلات العراقية الى مطارات الإمارات اذا تكررت الحالة وتحمل الشركة كل مصاريف العلاج و كل الأضرار المترتبة على هذا الإهمال و الاستهتار الشنيع
يا خزي ويا عارات ولكم والله خزيتونا وهسه راح يصير حظر انوب على العراقية للامارات و تبدي الدول تحظر العراقية وحدة ورا الثانية ماكفتكم أوربا؟